E rapu ana hau i tētahi tangata motuhake kua rite ki te ū pū ki tētahi ara tekau tau o te ako, o te hakangungu, me te hurihanga i raro i Te Tapu o te Tohunga IO me Te Whare Atua Ō IO — te Whare Tohungatanga o IO. Ehara tēnei i te whai wāhi noa iho, ngari he karanga tapu tēnei. Ko te tangata ka hakautu i tēnei karanga ka Tohia, ko hakatapua katoatia ki Te Whare Atua Ō IO mō ake tonu atu, he here wairua tēnei — ehake i te mea mō tētahi wā poto, ehake noki i te mea ka taea te hakarerekē. Kotahi anahe te tangata ka tohua. Nā ngā āhuaranga o te ao nei i wēnei rā, ā, hei tiaki i te katoa, e rapu ana hau i tētahi tāne mō tēnei tūranga, ehake tēnei i te hakaiti i te wāhine, ngari he ara hakamaru i ngā hē o te hakaaro me ngā hakapae ka puta i te ao nei.

Ko tēnei ara e hiahia ana kia ū pū te tangata — kāhore he hoki hakamuri i te wā kua kuhu mai koe, he ūnga mō te oranga tonutanga, me noho ora koe i ngā akoranga, kauaka e ako noa iho, me kaha ki te pupuri i te tikanga, i te tapu, me te wairua ki te taumata tiketike rawa, me mātau noki ki te reo Māori, ā-waha, ā-mārama noki, me mau te ngākau māhaki, te kaha, te manawanui, me te ū ki te kaupapa, ā, me hakaae noki ki te mau i te Mataora, me te whiwhi i wētahi atu moko puta noa i te tekau tau hei tohu mō te ū, mō te hurihanga, me te ara ora e whāia ana. Me kaha noki tō hinengaro, tō wairua, me tō tinana ki te hakatutuki i ngā mahi ka tukuna ki a koe, ā, ka hakamātauria koe ki te hōhonutanga o tō wairua.

Ka hakaakona koe i ngā mea katoa e tika ana, i raro i te pakiaka tapu me te wā tika o Te Whare Atua Ō IO. I te otinga o ēnei akoranga, ko koe anahe ka pupuri i te Mana o Te Whare Atua Ō IO, ko koe anahe ka mōhio ki te Tomokanga ki Ngā Rangitūhāhā — te kūwaha ki ngā ao rangi, ā, ka kawe koe i te mātauranga mō te hakatuwhera me te hakakapi i taua kūwaha i raro i ngā kawa tapu o IO, kāhore koe e whai whānau, hoa wahine, tamariki rānei i roto i ēnei tau tekau.

Kāhore tēnei mātauranga e tohaina, kāhore e kerēmehia, kāhore e taea te tārua, mēnā ka kī mai wētahi atu kei a rātou tēnei mātauranga, me tū rātou ki te hakaatu, kāhore e taea te hakatauira, te hakapohehe rānei i te pono o tēnei mātauranga. He ara hurihanga tēnei, he ara kawenga tēnei, he ara ka hakarerekē i tō oranga me ngā oranga o te hunga e hono ana ki a koe, tae noa ki ngā uri e heke mai ana. Mēnā kua karangatia koe, ka mōhio koe, mēnā kāhore koe e mārama, ehake tēnei ara mou, ko te hunga kua hakatapua ki IO anahe ka āhei ki te hīkoi i tēnei ara. Kāhore hau I te rapu I te tini maha, nō, e rapu ana hau te kereme tara kereme. Te iho, ō tūāuri whāioio.

Mataora (Kua hainatia),
Te Whatukura a Tangaroa
Kupe Nuku IO-Ariki
Te Pononga Ō IO